PIA/JMDA
Gilantaw sa national public-private reconstruction commission ang paghulam ug kinse bilyones ka pesos nga commercial credit gikan sa people’s republic of china alang sa pag-repair sa mga imprastrakturang naguba gumikan sa bagyong ondoy ug pepeng labi na sa mga rehiyon sa luzon.
Available na ang maong commercial credit alang sa mga nasod nga sakop sa association of southeast asian nation kon asean, sa tulo o lima ka tuig gikan karon.
Pahayag ni trade secretary peter favila nga ang commission, ug dili ang gobyerno, ang naghimo ug pagtuon sa aktwal nga damyos ug balor sa gikinahanglang pondo alang sa rehabilitation program.
Gibutyag sa china atol sa ika-dose nga asean-china summit nga gihimo sa thailand nga giumentuhan niini ang commercial credit ug balig lima ka bilyon dolyares aron ipakita ang supporta sa china alang sa asean-china cooperation.
Ang china ika upat sa pinakadakong trading ug investment partners sa asean; mokabat ug kapin sa dies porsyento ang kalakalan tali sa china sa kinatibuk-ang kalakalan sa asean.
