PIA Dispatch/ JMDA
Gipasalig sa malakanyang ang hingpit nga pagpatuman sa climate chage act aron maprotektahan ang nasod gikan sa kalamidad gumikan sa pagbag-o sa dagan sa klima nga nakaapekta sa tibuok kalibutan.
Matod ni press undersecretary nga naa sa poder sa gobyerno ang pagsiguro sa maayong pagpatuman sa mga balaod maingon man ang climate change act.
Matod ni press undersecretary nga naa sa poder sa gobyerno ang pagsiguro sa maayong pagpatuman sa mga balaod maingon man ang climate change act.
Apan matod ni golez nga ang pagpatuman sa climate change act dili lang naka depende sa gobyerno kondili sa katawhan usab.
Ang bag-ong gipermahan ni presidente arroyo nga climate change act of 2009, nanawagan alang sa pagmugna ug programa nga motutok sa epekto sa bagyo ug uban pang weather disturbances nga karon nagkadaghan ug nagkakusog gumikan sa pagbag-o sa climatic patterns.
Ang pag-umol sa national framework strategy program on climate change motutok sa “mitigation and adaptation strategies” nga molangkob sa kinatas-ang lebel sa panggamhanan hangtod na ngadto sa mga kabarangayan.
Ilalom sa maong balaod, adunay himoong autonomous policy making body nga tawgong climate change commission nga panguluhan sa chief executive. Ang maong commission maoy mag-coordinate, monitor, ug mag-evaluate sa mga action plans aron nga maandam ang nasod gikan sa makusog unya nga pag-ulan nga mosangpot sa pagbaha, maingon man sa makusog nga hapak sa hangin gumikan sa bagyo.
Miembro sa climate change commission ang mga presidente sa league of provinces, league of cities, league of municipalities, ug sa liga ng mga barangay, kini pag-ila sa kamahinungdanon sa kalambigitan sa mga lokal nga panggamhanan, aron mahatagan ug kasulbaran ang climate change.
